好開心抽中左去食野，咁就同左男朋友去食啦。但原來只提供$400，我地去到先叫左海蟹雞煲，花尾躉骨腩，油麥菜，鮮羊片，紐西蘭牛柳粒，呢度就咁已經過左$400，不過近排食野食少左，諗住叫住少少食住先，最後都係要叫多左round。不過整體黎講食物都不錯，好乾淨好精緻，就連菜都切得好整齊，而D牛同羊都好好味，簡直係我呢D無肉不歡ge最愛!!!而食緊期間服務員都好好，幫我地不左幾次油，呢個都係幾抵讚，因為出面D打邊爐一定瞅你都傻，佢呢個動作都間接令到成個鍋都好食左，起碼冇咁油先呀~食食下見到隔離檯叫左杯巨無霸，我都忍唔住想飲返杯，呢個巨無霸鹹檸7都冇令我失望，我自己就非常中意!!最後唔好ge地方就係D野又真係貴左D囉，我諗多D人黎一齊食會化算D ge，今次我地2條友都食左差唔多8百蚊，但質素係有ge，抵唔抵食就自己衡量啦~

位於尖沙咀厚福街9號2樓

一黎就點左海蟹雞煲，花尾躉骨腩，油麥菜，鮮羊片，紐西蘭牛柳粒

第2 round叫左雪花肥牛

再加個香茹貢丸

仲有杯大大巨無霸鹹檸7